Gaelscoil Chill Dara

13 Eanáir 2012


A Thuismitheoir / a Chaomhnóir, a chara,

Beannachtaí ón scoil! Is mian liom d'aird a dhíriú ar na nithe seo leanas:
“Athbhliain Faoi Mhaise”
Is mian liom gach rath a ghuí ort féin agus ar do chlann do 2012. Tá an chéad seachtain den bhliain nua críochnaithe againn agus táimíd socraithe síos. Tá an aimsir i bhfad níos cineálta go dtí seo i mbliana, buíochas le Dia
Oideachas Caidreamh agus Gnéasachta
Beidh gach páiste ag déanamh an cúrsa seo sna seachtainí amach romhainn. Déanann siad an cúrsa ‘Fan Slán’ díreach roimh laethanta saoire na Cásca. Foghlaimíonn na páistí scileanna tábhactacha don saol sna cúrsaí seo agus is féisir leat breis eolais a fháil futhu ar ár suíomh idirlíon www.gaelscoilchilldara.com

3.N.B.Athrú sa chóras a úsáidimid chun Tuairiscí Scoile a dháileadh
Tá sé de nós againn le fada an lá Tuairiscí a eisiúint I Mí Eanáir agus iad a úsáid mar phlécháipéis ag na cruinnithe tuismitheor – múinteoir a bheidh ar siúl idir 13-15 Feabhra. In imlitir a tháin ig ón Roinn, áfach, treoraiodh do scoileanna tuairiscí a eisiúint ag deireadh na bliana. Mar sin cuirfimid na tuairiscí scoile amach i mbliana ag deireadh Mhi Bealtaine. Rachaidh na cruinnithe tuismitheoir – múinteoir ar aghaidh amr ais gnách i Mí Feabhra agus gheobhaidh tú am chruinn ón múinteoir in amtráth.

Dátaí na Sacraimintí.

Seo leanas na dátaí do na sacraimintí i mbliana:
Céad Fhaoistin (Rang 2):
29/3/2012, 7.00 pm Halla na Scoile
Céad Comaoineach(Rang 2):
26/5/2012, 11.00 a.m. Séipéal Naomh Bríd, An Currach. (Tabhair faoi deara an t-athrú san am, led’thoil)
Searmanas an tSolais(Rang 6):
22/3/2012 7.00 pm Hall na Scoile
Cóineartú(Rang 6):
12/5/2012, Séipéal Naomh Bríd, An Currach

Is mise le meas

___________________
Seán de Paor, Príomhoide

14 Nollaig 2011

A Thuismitheoir, a chara,

Beannachtaí ón scoil! Tá súil agam gur féidir leat am a fháil chun an litir seo a léamh.

Páistí ag tosú sna Naíonáin Bheaga 2012
Le déanaí athraíodh an polasai rolacháin de réir mholtaí an Rialtaisatá ag an scoil agus anois caithfidh ainm gach páiste bheith ar ár liostaí roimh lár Mhí na Nollag. Tá siblíní san áireamh anseo. Mar sin ní ghlacfar le ainm ar bith tar éis dúnadh na hoifige ar an Aoine seo chugainn, 16ú Nollaig. Muna bhfuil tú cinnte go bhfuil do pháiste cláraithe linn cuir glaoch ar an oifig láithreach. Tá an polasaí le feiceáil ar www.gaelscoilchilldara.com

Laethanta Saoire na Nollag
Tosóídh na Laethanta Saoire ag am dhul abhaile ar an Déardaoin, 22ú Nollaig. Ní bheidh leath-lá againn ar an lá sin.
Osclóidh an scoil ag 9.00 am ar an Luan 9ú Eanáir 2012.

Féilirí Scoile 2012.

Tá féilirí áille ar fáil agus grianghraf de gach dalta sa scoil iontu. Ní chosnaíonn siad ach €7 an ceann, 2 cheann ar €12 agus 3 chinn ar
€15 agus chuirfí fáilte mhór rompu mar bhronntanas Nollag. Ceannaigh ceann sula mbíonn siad díolta amach!
Ranganna Gaeilge
Tá muinteoir ar fail do ranganna Gaeilge tar éis na Nollag. Cuir glaoch ar an oifig chun clárú.
Aonach na Leabhar 2011
Buíochas mór le gach duine a chuidigh lle linn an Aonaigh. D’éirigh thar barr leis. Dhíolamar luach €5,407 de leabhair ar an oíche agus gheobhaimid 25% de sin don leabharlann Le do thoil bí ag léamh le do pháiste agus spreag é/í le bheith ag léamh

Cúrsaí Páirceála!.
Iarraim ar thuismitheoirí gan páirceáil ar na cosáin sa charrchlós – tá sé dainséarach do na páistí, go háirithe san aimsir atá againn faoi láthair.. Fág go leor ama don turas agus ní bheidh brú ort!

Nollaig Shona ¡
Cuireann sé ionadh orm i gcónai cé chomh cabhraitheach agus cneasta a bhíonn na tuismitheoirí sa scoil seo. Táim an-bhuíoch díobh as é sin go léir le linn na bliana agus guím Nollaig Shona agus Athbhliain faoi Mhaise ar gach duine agaibh.

Is mise le meas

___________________
Seán de Paor, Príomhoide,

11 Samhain 2011

A Thuismitheoir, a chara,

Beannachtaí ón scoil! Is mian liom d'aird a dhíriú ar na nithe seo leanas:

“Lá an Phátrúin 2011”
Bhailíomar €404.00 ó na páistí Dé hAoine, 28/10/11 agus tá seic don mhéid sin curtha ar aghaidh againn go dtí An Foras Pátrúnachta. Go raibh míle maith agaibh. Tá grianghraif de na páistí gléasta suas le feiceáil anseo. Buochas mór le Barbara a ghlac na grianghraif agus an gnáth-fhocal bhuíochais chomh maith leis na traenálaithe chapaill áitiúla a bhí lánsásta comhoibriú linn ar an lá.

Polasaí Úsáide Inghlactha
Tá ríomhairí á n-úsáid ag gach rang sa scoil. Iarraim ar thuismitheoirí nua an polasaí atá leis seo a léamh, a shíniú agus a chur ar ais go dtí an múinteoir.

Aonach na Leabhar 2011.

Beidh an tAonach ar siúl ar an 6ú agus 7ú Nollaig. Tugtar cuireadh do gach duine bheith sa scoil ó 6.00 – 9.00 ar an gCéadaoint , 7ú Nollaig nuair a lasfaimid na soilse Nollag, ólfaimid seacláid the agus beidh go leor imeachtaí ar siúl. Beidh an scoil dúnta 8ú Nollaig, La Muire Gan Smál agus ar an 9ú Nollaig chomh maith

Seiceáil Ghardaí
Faoi na treoracha nua atá eisithe ag an Roinn maidir le Caomhnú Páistí, caithfidh gach tuismitheoir a bhíonn ag obair le páistí sa scoil bheith seiceáilte ag na Gardaí. Freisin tá polasaí nua again. ‘Sé an príómhoide, Seán de Paor an Duine Idirchaidreamh Ainmnithe atá ag an scoil. Cuirtear aon líomhaintí nó amhras maidir le mí-úsáid pasití nó failli in iúl dó siúd. ‘Sí Caitríona Ní Dhúnai an Leas Duine Idirchaidreamh Ainmnithe.

Laethanta Saoire 2011 / 2012
Tá na laethanta saoire le feiceáil anseo. Iarrtar ar thuismitheoirí na laethanta ar a bhíonn an scoil dúnta a úsáid le haghaidh laethanta saoire I dtreo nach gcuirfear isteach ar an bhfoghlaim

An scoil ag léamh le chéile.
Tá an scoil ag iarradh ar gach duine bheith ag léamh an mhi seo, Mí na Samhna 2011. Gheobhaidh gach páiste ó Rang 1 – Rang 6 bronntanas de leabhar deas ar an Déardaoin 17ú Samhain.(beidh na Naíonáin ag fail leabhar níos déanaí) Léigh an leabhar le do pháiste – tar isteach go dtí ár leabharlann – bí ag léamh linn

Tionscnamh Linbh na Nollag
Caithfidh na boscaí bróg go léir bheith istigh Dé Luain seo chugainn, 14ú Samhain. Go raibh míle maith agaibh.

25 Bealtaine 2011

A Thuismitheoir, a chara,

Beatha agus Sláinte! Is mian liom d'aird a tharraingt ar na nithe seo a leanas:


1. Claisic Gailf na Gaelscoile
Beidh an t-imeacht se ar siúl ar an 01/7/11, i nGalf-Chumann Chill Dara. Cosnaíonn sé €250 arís i mbliana. Don mhéid sin faigheann tú lá ion.tach gailf agus béilí do cheathrar. Gach eolas ó oifig na scoile.
2. Laethanta Saoire an tSamhraidh - Athrú
Deimhním go mbeidh laethanta saoire an tSamhraidh ag tosú ar an gCéadaoin, 29ú Meitheamh ag 1.40 (Naíonáin) agus 2.40 (Ranganna 1-6)

3. Lá Spraoi sa Pháirc
Tá Comhairle na dTuismitheoirí ag eagrú imeacht speisialta arís i mbliana – Lá Spraoi le Bairbiciú ar pháirc imeartha na scoile ar an 24ú Meitheamh idir 5-9 pm. Is cinnte go mbeidh sé go hiontach mar imeacht don teaghlach go léir agus iarraim oraibh tacú leis.

4. Ádh Mór!
Comhgairdeachas le foireann peile na mbuachaillí atá ag imirt i gcraobh an chondae ar an 31ú Meitheamh i nGort an tSeabhaic ag 4.00. Tá na cailíní sa leathchraobh ar dháta atá fós le socrú


5. Saicrimintí
Guímid gach rath ar dhaltaí Rang 2 agus a múinteoirí Eibhlín agus Mairéad don searmanas Céad Comaineach Dé Sathairn seo chugainn, an 28ú Bealtaine. Ag 12.00 Comhgairdeachas le Rang 6 faoi stiúr a múinteoirí Norma agus Aoife a cóineartaíodh ar an 14ú Bealtaine. Buíochas mór leis an Ath Ruairí as a chuid cabhrach ar fad

6. Turais Scoile
Beidh gach rang ( ach amháin rang 5)ag dul ar thuras oideachais idir seo agus deireadh na bliana. Rinne na múinteoirí gach iarracht an costas a choimeád chomh híseal agus is feidir, ach má tá aon tuismitheoir dífhostaithe ní gá íoc.

7. Leabhar Liostaí
Gheobhaidh gach dalta liosta leabhir don bhliain seo chugainn roimh 14ú Meitheamh

Seán de Paor, Príomhoide


23 Samhain 2010

A Thuismitheoir, a chara,

Beannachtaí ón scoil! Is mian liom d'aird a dhíriú ar na nithe seo a leanas:

1. "Lá an Phátrúin 2010"
Bhailíomar €483.50 ó na páistí Dé hAoine, 22/10/10 agus tá seic don mhéid sin curtha ar aghaidh againn go dtí an Foras Pátrúnachta. Go raibh míle maith agaibh. Tá grianghraif de na páistí gléasta suas le feiceáil ar an leathanach Griangraif. Buíochas mór le Barbara a ghlac na griangraif agus an gnáth-fhocal bhuíochais chomh maith leis na traenálaithe chapaill áitiúla a bhí lánsásta comhoibriú linn ar an lá.

2. Polasaí Úsáide Inghlactha
Tá ríomhairí á n-úsáid ag gach rang sa scoil buíochas do Chomhairle na dTuismitheoirí agus tá áthas orm a rá go bhfuil an Roinn tar éis €16,000 a thabhairt dúinn le haghaidh ríomhairí sa scoil. Iarraim ar thuismitheoirí nua an polasaí atá leis seo a léamh, a shíniú agus a chur ar ais go dtí an múinteoir.

3. Aonach na Leabhar 2010.
Beidh an tAonach ar siúl ar an 6ú agus 7ú Nollaig. Tugtar cuireadh do gach duine bheith sa scoil ó 6.00 - 9.00 ar an Mháirt, 7ú Nollaig nuair a lasfaimid na soilse Nollag, ólfaimid seacláid the agus beidh go leor imeachtaí ar siúl. Beidh an scoil dúnta 8ú Nollaig, Lá Muire Gan Smál.

4. Lá Gan Éide Scoile
Ag eascair as an lá seo ar an Aoine 5ú Samhain, beidh €251 an ceann ag dul go Toys for Tubs agus d'Eva Nic Lochlainn, iar-scoláire atá ag déanamh léim pairisiúit ar son Campa Barretstown. Go raibh maith agaibh.

5. Briseadh Lár Téarma, Feabhra 2011
Beidh an scoil dúnta ar an Déardaoin, 24ú agus Aoine 25ú Feabhra 2011.

6. Cumarsáid le Tuismitheoirí.
Is mian liom a dhearbhú go gcuireann an scoil litir amháin in aghaidh an pháiste/na clainne amach. Sa chás nach mbíonn tuismitheoir ina
c(h)ónaí sa teach céanna leis an bpáiste ní mór do na tuismitheoirí / caomhnóirí a fhaigheann an litir an duine eile a choimeád ar an eolas mar gheall air.

7. Saicrimintí 2011
Ta na dátaí saicrimintí socraithe:
7/4/2011, 7.00 p.m. Céad Faoistin (Halla na Scoile)
28/5/2011, 12.00 Céad comaoineach (Séipéal an Churraigh)
31/3/2011, 7.00p.m. Searmanas an tSolais (Halla na Scoile)
14/5/2011, 2.00p.m. Cóineartú(Séipéal an Churraigh)
Buíochas mór leis an Athair Ruairí agus leis an Athair McDonald sa Churrach.

Is mise le meas

Seán de Paor, Príomhoide.

Seo pictiúr de Chomhairle na nDaltaí. Tá siad ag obair leo chun an scoil a dhéanamh chomh maith agus is féidir. De bharr moladh a rinne siad beidh an táille do Lá an Phátrúin íslithe ó €5 go € 2 an chlann i mbliana. Maith sibh!

Seo pictiúr deas den phríomhdhoras. Tá an scoil ag féachaint go hálainn faoi láthair le dathanna an fhómhair ar na crainn, agus bláthanna a chuir Mary agus Susan.

9ú Mean Fómhair 2010
A Thuismitheoir , a chara
Fáilte!
Tá an scoil ag socrú síos tar éis laethanta saoire an tsamhraidh. Cuirimid fáilte roimh gach duine, go háirithe na páistí nua ar fad agus roimh a dtuismitheoirí. Tá súil agam go mbeidh sibh sásta anseo i nGaelscoil Chill Dara. Tá áthas orm go bhfuil an Naíonra oscailte ar an suíomh freisin agus tá dhá shruth againn ag gach rang leibhéal. Mar sin tá an scoil críochnaithe ag forbairt anois – ní éireoidh sí níos mó ná mar atá sí.

1.Cruinnithe Mhúinteoirí, Tuismitheoirí.
Beidh na cruinnithe seo ar siúl go luath sna rang seomraí éagsúla
Luan (20ú): 7.00 pm: Naíonaín Mhóra ( Clíodhna, Martina) . Rang 2 (Mairéad Ní I, Eibhlín) 8.00 pm: Rang 6 (Norma, Aoife) Rang 1 (Caitríona Ní Dhúnaí, Mairéad Ní Ghormáin)
Máirt (21ú): 7.00 pm: Rang 3 (Gearóid, Caitríona Ní Dhálaigh)) Naíonáin Bheaga (Niamh, Karen) 8.00pm: Rang 4 (Helen, Pádraig) Rang 5 (Jenny, Máire)
Is oth linn má bhíonn cruinnithe páistí éagsúla sa chlann chéanna ar siúl ag an am chéanna. Led’thoil déan iarracht freastal ar an gcruinniú chun buaileadh le múinteoir do pháiste
2.Le cur i gCuimhne Duit
Moltar do ghach páiste bia sláintúil a thógáil ar scoil. Mar sin, i gcomhpháirt le na daltaí ní cheadaítear guma coganta, criospaí nó deochanna ar nós 'Coke', nó '7-up' sa scoil. Níl cead ag na páistí bréagáin nó gutháin soghluaiste a bheith acu ar scoil ach oiread. Iarrtar ar thusimitheoirí gan guma coganta a úsáid sa scoil agus tá cosc ar chaitheamh tobac i ngach áit sa scoil – taobh amuigh agus taobh istigh
3.Ainmneacha ar Éadaí, Leabhair 7rl
Led' thoil cinntigh go bhfuil ainm do pháiste scríofa ar gheansaithe/cótaí, leabhair 7rl.
4.Trácht ar maidin/um thráthnóna. Tá an carrchlós réasúnta éifeachtach faoi láthair.Le do thoil bain úsáíd as na busanna más féidir leat. Má bhíonn ort an carrchlós a úsáid led’thoil bí foighneach le tiománaithe eile agus ná páirceáil in áiteanna na mbusanna nó ar na cosáin.
5.Níl cead ag aon pháiste bheith sa chlós roimh 8.50 r.n.!
6. Comhairle na dTusimitheoirí
‘Sí an Chomhairle an áit is fearr duit má tá tú ag iarradh páirt a ghlacadh sa scoil agus cabhrú le do pháiste. Chuige sin is mian líoma chur in iúl duit go mbeidh tráthnóna mór eolais ag an gComhairle sa scoil ar an 5ú Deireadh Fómhair ag 8.00 pm. Beidh aoichainteoir agus fáiltiú fíona gus seacláid maraon le cruinniú cinnbhliana. Led thoil cuir an dáta sin i do dhialann!
7. Cabhair dheonach ag teastáil! Tá daoine ag teastáil chun cabhrú sa chlós ar maidin agus sa tráthnóna . Má tá tú ar fáil cuir d’ainm isteach!
8. Go n-éirí libh! Ar deireadh ba mhaith liom gach dea-ghuí a sheoladh chugaibh don bhliain nua scoil